Mədinə şəhərində Peyğəmbər (s) məscidinin civarında yaşayan, 50 il boyunca hər gün bütün namazlarını "Məscidun-Nəbi"də qılan 107 yaşlı Quran hafizi və camaat namazı imamı vəfat edib.
Bu barədə İslami əsərlərin və Məscidun-Nəbinin (s) tarixinin araşdırılması üzrə mütəxəssis Məhəmməd Əbu Malik məlumat verib.
Məlumata deyilir: Şeyx Mühyiddin Həfizallah adlı 107 yaşlı kişi cavan vaxtlarında Peyğəmbər (s) məscidində namaz qılıb. O Quran hafizi idi, xoş siması və mehriban qəlbi var idi.
Bu hafiz Quranla mənus idi. Saleh və abid bir insan idi. Ailə-uşağı yox idi. Tək yaşayırdı. Bütün namazlarını Peyğəmbər (s) məscidində qılırdı. Məscidə gedib-gələrkən yolda zikr deyirdi. Başını aşağı əyər və məscidin qapısına çatınca ətrafa baxmazdı.
107 yaşlı Quran qarisi cari həftənin Cümə günü, 18 İyun 2021-ci il, vəfat edib və Bəqi qəbiristanlığında dəfn edilib. /iqna