IQNA (Beynəlxalq Quran Xəbər Agentliyi) şəfəqna-ya istinadla, “Şəriətin əl və ya fincan falına münasibəti”lə bağlı böyük mərcə Ayətullah Əl Üzma Seyid Sistaniyə ünvanlanan sual və cavabı təqdim edir:
Sual: Əl və ya fincan falına baxanlar insanın hazırkı durumu və gələcəyi haqqında bəzi öncəgörmə iddiaları ilə çıxış edirlər. Xüsusilə, falına baxılan şəxsin bu öncəgörmələrə inanaraq addım atdığı hallarda şəriət buna icazə verirmi?
Cavab: Sözügedən öncəgörmələr əsassız hesab edildiyindən öncəgörmə iddiasında olan şəxslərə qətiyyət və əminliklə gələcəkdən xəbər verməyə, eləcə də falına baxılan şəxslərə də şəri, yaxud əqli dəlil əsasında hərəkət etməli olduqları məqamlarda onların öncəgörmələrinə əsaslanaraq hərəkət etməyə icazə verilmir.
