Shafin sadarwa na yanar gizo na Alkahira 24 ya habarta cewa cibiyar musulunci ta Azhar ce ta shirya wannan biki tare da hadin gwiwar jami’an makarantar kur’ani mai suna “Ahlul-Qur’an” mai alaka da hukumar bayar da tallafi ta lardin Fayum.
A wannan biki da aka gudanar a dakin taro na "Al-Rehab" da ke birnin Atlas, an karrama daliban kur'ani maza da mata 350 wadanda suka yi nasarar haddar kur'ani mai tsarki.
A cikin wannan biki an karrama daliban kur'ani mai tsarki 639 wadanda suka yi nasarar haddar rabin kur'ani da rubu'i na kalmomin wahayi.
A wajen bikin karrama wadannan mahardatan kur’ani, da dimbin mazauna yankin, da dama daga cikin malaman Azhar da na masarufi, da masana da malaman addini da ma’aikatan yada labarai sun halarta.
"Mohammed Hossein Saleh", daya daga cikin malaman Azhar, "Sheikh Mohammad Abdul Towab Mohammad", shugaban makarantar "Ahlul-Qur'an" da malamai mata biyu na wannan makaranta mai suna "Shima Saeed Badr" da kuma "Amira Abdul Ati Mohammad" na daga cikin manyan baki na wannan taron.