په سپېڅلي حسیني حرم کی د عاشورا په شپه د قرآني محفل جوړېدل
ایکنا د امام حسین (ع) د حرم له خبري سایټ څخه په حواله خبر کوي چې، د حسیني حرم د دارالقرآن د اطلاعاتو د مرکز مسئول کرار الشمري د سید الشهداء (ع) حرم ترڅنګ د قرآني غونډې د جوړولو خبر ورکړی.
الشمري وویل: دارالقرآن هر کال د قرآني فعالیتونو په تنظیمولو او د حسین د غورځنګ له آرمانونو څخه په الهام اخیستلو سره، د حسیني عاشورا لمانځنه کوي او سږ کال هم د محرم په لسمه شپه د ۶۱ هجري قمري کال د محرم په لسمه شپه د امام حسین (ع) او د هغه د کورنۍ د قرآن کریم تلاوت یادولو په مناسبت د قرآن کریم غونډه پیل کړه.
د حسیني حرم دغه چارواکي ټینګار وکړ چې د امام حسین (ع) د شهادت د کلیزې په مناسبت او په هماغه ځای کې چې هغه په شهادت ورسېد، د شهادت او سرښندنو د څرګندولو ځای دی چې امام حسین (ع) د خپل د نیکه، پیغمبر اکرم (ص) د دین ساتنه وکړي.
په دغو مراسمو کې د امام حسین (ع) د زیارت یو زیات شمېر زیارت کوونکو او ماتم کوونکو او همدارنګه د سپېڅلي حسیني حرم قاریانو ګډون کړی وو.
اسامه کربلايي، وائل الکريطي او عادل کربلايي په دې مراسمو کې د قرآن کریم تلاوت وکړ او د مراسمو په پای کې د عاشورا زیارت د سید هاشم السندي په غږ سره ترسره شو او بیا حاضرینو د کربلا د شهیدانو او د هغه د اصحابو ماتم ترسره کړ.
