Əl-Əzhər alimi: “Quranın yeni təfsirlərinə ehtiyacımız var”
"İQNA", "Əl-Dəstur" saytına istinadən xəbər verir ki, keçmiş prezident Həmd Səlim Əbu Asi televiziyaya müsahibəsində deyib: “Əl-Əzhərin hazırkı tələbələrinin mentaliteti əvvəlki nəsillərdən fərqlidir. Bu, sələfi təsirinin nəticəsidir”.
O, həmçinin bildirib ki, intellektual terrorizm təhlükəsi silahlı terrorizmdən az deyil və “Əl-Əzhər” tədris planına yenidən baxılmalıdır.
Əbu Asi Allahın dininin insanın xilası üçün göndərdiyini, Quran ayələrində dinin əsas dəyəri olan insandan bəhs edildiyini bildirib.
Həmd Səlim Əbu Asi, "Quranın məqsədlərini və Quran elmlərini anlamaqda böhranla üzləşirik" dedi və əlavə etdi ki, bu, universitet səviyyəsində tədris edildikdə, çox ənənəvi olaraq görülür.
O, həmçinin Quran təfsirinin hazırda keçmişdə deyilənlərin doğru və ya yalan olduğunu izah və təhlil etdiyini və təcili olaraq yeni Quran təfsirinə ehtiyac olduğunu bildirib.
Misirli alim keçmişdə Quran təfsirçiləri təfsirlərini öz dövrlərinin mədəniyyətinə uyğun yazdıqlarına da diqqət çəkib.
Əbu Asi bildirib ki, Qurani-Kərimin təfsirləri bu illər ərzində müsəlmanlar üçün müqəddəs mətnə çevrilib və bu, ciddi böhran kimi qiymətləndirilə bilər.
Misirli alim son olaraq dedi: “Bizim təcili olaraq Quranın müasir təfsirinə ehtiyacımız var. Yeni təfsirdə insan haqları nəzərə alınmalıdır və bizə insan ləyaqətini göstərən, başqa baxış və fikirləri qəbul edən, öz ideyalarımızla məhdudlaşmayan təfsir lazımdır”.
4194834
