Эъломи замони иди Фитр дар Арабистон ва бархе кишварҳои исломӣ
Ба гузориши Ал-Аёмул-Халиҷия, маркази мутолиоти нуҷумии Арабистони Саудӣ эълом кард, ки охирин рӯзи моҳи мубораки Рамазон, рӯзи сешанбе 9 апрел аст ва бадин тартиб иди Фитр дар ин кишвар чаҳоршанбе 10 апрел хоҳад буд.
Вазорати умури инсонӣ ва тавсия иҷтимоии Арабистон низ эълом кард, ки ба муносибати иди Фитр, 4 рӯз дар ин кишвар таътили расмӣ хоҳад буд ва тамоми кормандон ва коргарони бахшҳои давлатӣ ва хусусии ин кишвар дар ин 4 рӯз таътил хоҳанд буд.
Балад Нюз низ дар бораи замони иди Фитр дар кишвари Миср эълом кард: аз онҷое, ки моҳи мубораки Рамазон дар рӯзи душанбе 11 март дар ин кишвар оғоз шуда ва ин моҳ 30 рӯза аст, бинобар ин интизор меравад охирин рӯзи моҳи рамазон рӯзи сешанбе 9 апрел бошад. Рӯзи чаҳоршанбе 10 апрел дар Миср иди Фитр аст.
Бар асоси ин гузориш, айёми таътилоти иди Фитр дар кишвари Миср низ аз чаҳоршанбе то ҷумъа (10 то 12 апрел) хоҳад буд.
Балад Нюз меофзояд: қарор аст дор Миср пас аз мутмаин шудан аз рӯъяти ҳилоли моҳи Шавол, замони дақиқи иди Фитрро эълом кунад ва амалиёти истеҳлол дар рӯзи душанбе 8 апрел анҷом хоҳад шуд.
Маркази миллии мутолиоти нуҷумии Тунис низ эълом кардааст, ки ид Фитри соли 1445 ҳиҷрии қамарӣ рӯзи сешанбе 9 апрел хоҳад буд ва ба муносибати ин ид 3 рӯз дар ин кишвар таътили расмӣ эълом шудааст.
Дар кишварҳои Уммон, Баҳрайн, Алҷазоир ва Ироқ низ бар асоси мутолиоти нуҷумӣ эълом шудааст, ки рӯзи чаҳоршанбе 10 апрел рӯз иди Фитр хоҳад буд.
https://iqna.ir/00HeWe
