ایران اور ملایشیاء قرآنی تعاون امت کے لئے فایدہ مند ہے+ فلم
ایکنا نیوز کے مطابق اسلامک ڈیولپمنٹ مرکز جاکیم (مالایی زبان میں : Jabatan Kemajuan Islam Malaysia) یا «JAKIM» پوٹرا جایا میں سرگرم عمل ہے۔
ملایشیاء میں بیاسٹھویں بین الاقوامی قرآنی مقابلوں کے اختتام پر ایرانی وفد نے ایرانی سفیر کے ہمراہ ملایشیاء کے اسلامک ڈیولپمنٹ مرکز جاکیم کا دورہ کیا۔
نشست جایم کے سیکریٹری «سراجالدین سهیمی» کی زیر صدارت منعقد ہوئی جسمیں ایرانی سفیر «علیاصغر محمدی»، ایرانی وزارت ثقافت کے سیکریٹری «علیرضا معاف»، اور ایرانی کلچرل ایمبیسیڈر «محمد اورعی کریمی» شریک تھے.
ایرانی سفیر علیاصغر محمدی کا کہنا تھا: ملاییشیاء کے حلال انڈسٹری کا وفد ایران کا دورہ کررہا ہے جسمیں دوطرفہ تعلقات پر تبادلہ خیال ہوگا۔
ایرانی وزارت ثقافت کے سیکریٹری علیرضا معاف نے نشست سے خطاب میں کہا: بیاسٹھویں قرآنی مقابلوں میں شرکت پر خوشی ہوئی، ایران میں ہم نے 29 بین الاقوامی قرآنی نمایش اور 43 بین الاقوامی قرآنی مقابلے منعقد کیے آج ہم آئے ہیں تاکہ جاکیم کی سرگرمیوں سے آشنا ہوسکے۔
ایرانی سفیر محمدی نے نشست سے خطاب میں کہا: ایران اور ملایشیاء عالم اسلام کے امور کے حؤالے سے ایکدوسرے کے تجربوں سے استفادہ کرسکتے ہیں۔
انکا کہنا تھا: بعض مسایل میں ہم نے کم توجہ دی ہے کیونکہ ایران ایک مکمل اسلامی ملک ہے جب کہ ملایشیاء میں مختلف اقوام اور مذاہب موجود ہیں لہذا اس حلال انڈسٹریز کے حوالے سے اہم ملایشین تجربے سے استفادہ کرسکتے ہیں۔
جاکیم کے ڈپٹی سهیمی کا کہنا تھا: حال ہی میں ہم نے استنبول میں ایرانی وفد سے ملاقات کی اور حلال صنعت کے حوالے سے مذاکرات ہویے اور ہم اس شعبے میں فروغ چاہتے ہیں۔
اس نشست میں ایرانی ثقافت اور قرآن و عترت کے سیکریٹری محمد مھدی عزیززادہ نے کہا : میری تجویز ہے اور وہ یہ ہے چونکہ ملایشیاء کے بین الاقوامی قرآنی مقابلے قدیم ترین مقابلوں میں شمار ہوتا ہے تاہم اس میں ایران سے صرف تلاوت کے شعبے میں قاری کو دعوت دی جاتی ہے میری تجویز ہے کہ اس میں حفظ کا شعبہ بھی اضافہ اور ایران سے بھی حفاظ کو شرکت کی دعوت دی جائے تاکہ مقابلوں میں مزید وسعت آسکے۔
ایرانی ثقافتی ایمبیسیڈر محمد اورعی کریمی نے نشست سے خطاب میں کہا: بہت خوشی ہے کہ ملایشیاء بین الاقوامی مقابلوں کے بعد یہ ملاقات ہورہی ہے اور قرآنی تعلقات پر ہم تبادلہ خیال کررہےہیں۔/
4096339
